Фотографияэз вылын — событиеэзлöн биа да тöдвылöкольччана моменттэз, йитöмöсь Коми-Пермяцкöй округлöн 100 вокöт: «Никольскöй ярмарка»-сянь да обрядовöй вежалуннэзсянь зрелищнöй «Этноавангард»-öдз. Снимоккез мыччалöны коми-пермяцкöй культуралiсь шоныт атмосферасö да ловья басöксö, кöдаын кольччисö ассяма традицияэз, обряддэз да богатöй мифология. Экспозициясö сувтöтiсö ТРЦ «Планета»-лöн мöдöдз этаж вылö (Пермь, Шоссе Космонавтов, 162б). Локны выставка вылö позьö декаб помöдз.
Быд фотография нуöтö видзöтiсьöс Коми-Пермяцкöй округлöн юбилейнöй волöн атмосфераö. 2025 воö Кудымкарлö сетiсö Пермскöй крайись культурнöй столицалicь статус и сiя лоис быдöс странаись творческöй деятеллез понда притяженнёлöн центрöн. Только гожумся юбилейнöй сезон пыртiс 50 биа событиеся унажык — обрядовöй вежалуннэзсянь, этно- да гастрофестиваллезсянь театральнöй премьераэзöдз, томпöлöслöн форуммезöдз да öння искусство сьöртi проекттэзöдз. Интерес национальнöй культура, сёян да мифология дынö паськалiс округ сайö — инициативаэз вöлiсö быдöс Перем крайын, Москваын да Санкт-Петербургын.
Выставкалöн кадррез вылын — Перемын «Дикоросы» нима гастрофестиваль вылын коми-пермяцкöй сур керöмлöн момент, «Трамплин» нима фестивальлöн гöссез, кытöн мыччасис «Ария». Снимоккез вылын позьö видзöтны национальнöй да öння костюммезлöн этническöй стильын торрез, а сiдзжö адззывны, кыдз «Стрӧча» вылын ловзьöны важ традицияэз, кывны «Никольскöй ярмаркал»-iсь уют да уна мöдiк.
Уськöтамö тöдвылö, мый 2025 воö Коми-Пермяцкöй округ порйöтö аркмöмлiсь сё во. Сы увья эта во шуöм коми-пермяцкöй кыв Воöн, да вежалунся событиеэз лоисö ыджыт культурнöй программалöн торöн. Вежалунся событиеэзлöн программнöй дирекция — Пермский дом народного творчества «Губерния».
Быдöс акутальнöй информациясö Коми-Пермяцкöй округлöн сё вося фествиаллез йылiсь верматö тöдны сайт вылын да социальнöй сеттезын..
Русский