Апрель 19 лунö Кудымкарскöй муниципальнöй округись Кува посадын чулалiс «Вотчина-заводчина» нима заводскöй культуралöн фестиваль. Фестивальлöн гöссез тöдсасисö горнöй заводдэз кадö, röда йитöм öння Коми-Пермяцкöй округкöт.заводчина». Гости фестиваля, посвященного промышленному прошлому региона, с головой окунулись в эпоху горных заводов, история которых неразрывно связана с нынешней территорией Коми-Пермяцкого округа.
Фестивальлiсь осьтöм басöксьöтiсö А.В. Нецветаев нима Очёрскöй краеведческöй музейись да «Зеленая лампа» нима школьнöй театрись выступленнёэз (МБОУ «Пожвинская СОШ №1»).
Чувствуйтны асьсö заводiсь работникöн позис металлöн плавка сьöртi да монетаэз чеканка сьöртi мастер-классэз вылын. Спортивнöй площадка вылын быдыс вермис лэбтавны кöрт. Чöскыттор радейтiссез пешлiсö пым вафлиэз, пöжалöм уникальнöй кувинскöй рецепт сьöртi. Сiдзжö позис пыравны мануфактурнöй светёлкаö, каллиграфия сьöртi площадка вылö да «Пасхальный сувенир» нима студияö, гуляйтны посадöт Кувинскöй школаись том экскурсоводдэзкöт, пыравны «Исток» нима Кувинскöй краеведческöй музейö.
«Фестиваль «Вотчина-заводчина» лоис площадкаöн кадлöн сёрнитöмлöн — татöн «кöркö» пантасис «öнiкöт», а традицияэз ловзьöны öння формаэзын. Мийö пондылiмö мыччавны, кытшöм ассяма Коми-Пермяцкöй округлöн заводскöй культура, мыля колö видзны тöдвылын тöдöммесö, кужöммесö да атмосферасö одзлань. Именно сэтшöм событиеэз увья аркмö ловья йитöт миян историякöт да крепамö округлöн культурнöй идентичность», — пасйис Мария Носкова, Коми-Пермяцкöй этнокультурнöй центрлöн юралiсь.
«Том Сойер фест» нима событие коста волонтеррез отсалiсö лöсьöтны «Контора заводская» нима региональнöй значеннёа культурнöй наследиелöн памятник.
Том видзöтiссез адззылiсö А.С. Пушкинлöн сказкаэз сьöртi «Зазеркалье» нима театральнöй студиялiсь постановкаэз (Пешнигортский СКДЦ МБУК КДЦ г. Кудымкара), «Трон мироздания» и «Сказ о Пере и Зарань» нима кукольнöй спектакллез.
Методическöй площадка вылын позис тöдсасьны заводскöй олiссезлöн паськöмöн да кывзыны «Звуки Севера» нима Юрий Габровлiсь музыкальнöй программа.
Эшö öтiк козинöн фестивальлöн гöссез понда лоис «Оркестр русских инструментов им. И. Ивановой» (Пожвинский культурно-досуговый просветительный центр) нима народнöй коллективлöн концерт. Помассис фестиваль ыджытлунся перезвонöн.
«Вотчина-заводчина» нима фестивальлöн аркмöтiсьöн лоис Коми-Пермяцкöй этнокультурнöй центр.
Уськöтамö тöдвылö, мый чугуноплавильнöй завод Куваын вöлi сувтöтöм 1856 воö, заводскöй посёлок сы увья и лоис сэсся посадöн. Завод уджалiс 1909 воöдз.
Русский