Октябрьлöн 15 лунсянь 18 лунöдз Пермскöй край лоас финно-угорскöй культуралö центрöн. Перемын, Кудымкарын да Юсьваын чулаласö искусстволöн Международнöй фестиваль да «Финно-угорский транзит» нима народнöй творчестволöн фестиваль, кöда помалас кыквося цикл «Новые ритмы традиций» тема увтын. Фестиваль öтлаöтас национальнöй коллективвез, Россияись да Беларусись сьылiссезöс да эксперттэзöс, кöдна мыччаласö фольклорлiсь öння лыддьöтöм —этно-попсянь да техноаранжировкаэзсянь чужан кыв вылын авторскöй сьыланкыввезöдз.
Фестивальлöн программа пондöтчис одзза воö Коми Республикаын, мунiс Мордовияын да Москваын, а öнi помассяс Перемскöй крайын — Коми-Пермяцкöй округлöн сё во увья да В.Д. Поленов нима Государственнöй Российскöй Дома народного творчества-лöн 110 во увья.
«««Новые ритмы традиций» нима направленнёлöн идея локтiс öння томпöлöслöн бöрйöмсянь. Нешоча музыкальнöй новинкаэзын тыдалö фольклорлöн интерпретация — былись повтöм сёрнитöм, кöр «дань уважения прошлому», архаичнöй напев пантасьö авторскöй аранжировкакöт да электроннöй музыкакöт. Сiдз кольччöм мотиввез, преданнёэз да легендаэз вежöны народнöй творчествосö актуальнöй шыö», – пасйис Татьяна Барахова, «Финно-угорский транзит» нима Международнöй фестивались оргкомитетлöн председатель.», – отметила Татьяна Барахова, председатель оргкомитета Международного фестиваля «Финно-угорский транзит».
«Колана адззывны, кыдз коми-пермяцкöй традицияэз пырöны финно-угорскöй историяэзö. Торья этнослöн самобытность пыр öддьöн интереснöй, а кöр мийö ордчöтамö асьнымöс мыйöнкö ыджытжыкöн, то аркмöны виль рöммез да акценттэз. Бур, мый «Финно-угорский транзит», федеральнöй да нельки мировöй масштаба проект, Коми-Пермяцкöй округлöн сё воö локтiс Перемскöй крайö. Сiя сетö миянлö эшö öтiк оптика сы понда, медбы видзöтны быдöс вылö, мый мийö тöдамö коми-пермяккез йылiсь, да вермöм баитны колана этнокультурнöй темаэз вылö», — пасйис Алла Платонова, Пермскöй крайись культура сьöртi министр.
В пермском доме народного творчества «Губерния» 16 октября состоится открытие фестиваля и тематическая секция по теме национальной политики и межэтнических отношений в стране. В этот же день «Финно-угорский транзит» стартует в старинном коми-пермяцком селе Юсьва, где пройдёт концерт «Праздник финно-угорской песни».
«Губерния» нима пермскöй дом народного творчества-ын октябрь 16 лунö чулалас фестивальлöн осьтöм да тематическöй секция национальнöй политика да странаын межэтническöй отношеннёэз тема сьöртi. Сiя жö лунö «Финно-угорский транзит» пондöтас удж важ коми-пермяцкöй посадын – Юсьваын, кытöн чулалас «Праздник финно-угорской песни» нима концерт. Кудымкар лыддьöны коми-пермяцкöй культуралöн сьöлöмöн. Татöн октябрь 16 да 17 луннэзö паськаласö фестивальлöн медшöр событиеэз. Гöссезöс видзчисьöны выставкаэз, творческöй лабораторияэз, кипода морттэзкöт пантасьöммез, «Коми вечер» да гала-концерт, кытöн мыччасясö быдöс финно-угорскöй регионнэзiсь представителлез. Öтiк сцена вылын пантасясö «Шондiбан» (Коми-Пермяцкöй округ), «Зоряйне» (Карелия), «Пеледыш» (Марий Эл), «Шудбур» (Удмуртия), «Томлун» (Республика Коми), а сiдзжö артисттэз Беларусись да Донецкöй Народнöй Республикаись.
Участниккез коласын — экспериментаторрез да федеральнöй конкурссэзлöн лауреаттэз, кöдна аркмöтöны финно-угорскöй музыкалiсь виль волна. Например, Алексей Исаков Сыктывкарись сьылö песняэз этно-электронной музыкалöн жанрын, а томпöлöслöн этно-фолк группа «Пувама» Мордовияись мыччалö ассис индивидуальность да эрзянскöй, мокшанскöй, роч фольклорнöй материаллiсь ассяма подача.
Медшöр акцент — традицияэзлöн да современностьлöн взаимодействие вылö, формаэзлöн кошшöм вылö, кöдна кольöны культурнöй наследие, керöны сiйö ловьяöн да матынöн «Финно-угорский транзит»-лöн виль поколеннёлö — это пос важ да лоан коласын, кытöн народнöй творчество босьтö мöдiк лолалöм, а национальнöй мотиввез сьывсьöны öння миркöт, висьтасьöны аркмöтiссез.
Фестивальлöн медшöр мероприятиеэз:
Октябрь 16 лунö, Пермь —фестивальлöн осьтöм, пресс-конференция да тематическöй секция ДНТ «Губерния»-ын.
Октябрь 16 лунö, Юсьва — концерт «Праздник финно-угорской песни» (0+).
Октябрь 16 лунö, Пермь — Коми-Пермяцкöй этнокультурнöй центрын (ул.Студенческая, 9) «Коми вечер» вылын мыччасясö коми-пермяцкöй ансамбль «Шондiбан», Анастасия Ларцева (Москва), этно-фолк группа «Пувама» (Мордовия). Коми Республикаись локтасö коми кыв вылын сьылiссез Яна Сажина да Алексей Исаков, вокалистлöн Владимир Трошевлöн да гармонистлöн Захар Петрушевлöн дуэт.
Октябрь 16 лунö, 19:00 — спектакль «Кык кöч сьöрын» («За двумя зайцами») коми-пермяцкöй кыв вылын (0+).
Октябрь 17 лунö, Кудымкар выставкаэз, творческöй лаборатория, экспертнöй секция.
17 октября, 18:00 — «Финно-угорскöй транзитлöн» гала-концерт (0+). Кудымкарись культурно-деловöй центреын мыччасясö ансамбллез «Зоряйне» (Карелия), «Пеледыш» (Марий Эл), «Шудбур» (Удмуртия), исполнитель Виктор Уляшев, ансамбль «Тöмлун» да группа «Йöй» (Республика Коми), Сыктывкарись сервислöн да связьлöн колледжись Театр моды, а сiдзжö Марина Садовничая (ДНР), Анастасия Бояренева (Беларусь).
Фестивальлöн аркмöтiссез: Российскöй Федерацияись культуры сьöртi Министерство, В.Д. Поленов нима Государственнöй Российскöй Дом народного творчества, Перем крайись культура сьöртi Министерство, «Губерния» нима Дом народного творчества Пермского края, Перем крайись Коми-Пермяцкöй округлöн уджжез сьöртi Министерство, ГКБУК «Коми-Пермяцкий этнокультурный центр», Российскöй Федерацияись финно-угорскöй йöззэзлöн Ассоциация, межэтническöй журналистикалöн Гильдиялöн Коми региональнöй отделеннё.
Фестиваль пыртöм программаö событеэзлöн, йитöмöсь Коми-Пермяцкöй округлжy 100 вокöт, и лоö мероприятие-флагманöн.
Русский