Октябрь 15 лунсянь октябрь 18 лунöдз Пермскöй край лоис финно-угорскöй мирлöн сьöлöмöн. Пермь, Кудымкар да Юсьва посад примитiсö «Финно-угорский транзит» нима искусстволöн да народнöй творчестволöн Международнöй фестиваль, кöда помалiс кыквося культурнöй марафон символичнöй тема увтын — «Новые ритмы традиций». Фестиваль öктiс тыра зал, йитiс Россияись да Беларусись 100 сьылiсься, кипода мортся да экспертся унажык из России и Беларуси. Öтлаын нiя мыччалiсö, кыдз важ мотиввез босьтöны виль звучаннё, а традицияэз одзлань олöны, энергичнöя да аскадö.
Медшöр событиеэз паськалiсö Кудымкарын — Коми-Пермяцкöй округ шöрын. Татöн чулалiсö выставкаэз, творческöй лабораторияэз, мастер-классэз, «Коми вечер» пантасьöм да эффектнöй гала-концерт, кытöн öтiк сцена вылын öксисö быдöс финно-угорскöй регионнэзiсь представителлез. Видзöтiссезлö гленитчисö «Шондiбан» (Коми-Пермяцкий округ), «Зоряйне» (Карелия), «Пеледыш» (Марий Эл), «Шудбур» (Удмуртия), «Тöмлун» (Республика Коми) ансамбллезлöн, а сiдзжö Беларусись да Донецкöй Народнöй Республикаись артисттэзлöн мыччасьöммез.
Медбур энергия фестивальлö козьналiсö том сьылiссез — повтöм экспериментаторрез, кöдна йитöны фольклор да öння жанры. сiдз, Алексей Исаков Сыктывкарись мыччалiс этно-электроннöй композицияэз, а мордовскöй группа «Пувама» мыччалiс эрзянскöй, мокшанскöй да роч мотиввезлiсь микс.
«Коми-Пермяцкöй округлöн сё во кежö мийö рочалiмö унажык томпöлöс — и артисттэс составö, и видзöтiссес коласö. Том музыканты сетöны быдпырся жанрлö виль лолалöм, а публикалö гленитчис. Быдыс пасйö шоныт панталöм, кöдöн тöдса Коми-Пермяцкöй округ», — пасйис Виталий Баяндин, Коми-Пермяцкöй округлöн уджжез сьöртi Министерствоись этнокультурнöй зорамöм сьöртi юралiсь.
«Финно-угорский транзит» отсалiс коми-пермяккезлö лоны ыджыт, ёртасян финно-угорскöй мирлöн торöн. Сэтшöм событиеэз, кытöн пантасьöны медбур творческöй, самодеятельнöй да профессиональнöй коллективвес, керöны крепытжыкöн культурнöй йитöттэз регионнэз коласын, отсалöны аркмöтны виль öтласа проекттэз да идеяэз, а медшöрыс — öтлаöтöны быдöннымöс ёртасьöм да уваженнё атмосфераын. Сэтшöм инициативаэс коланаöсь: нiя матынсьöтöны миянöс, вынсьöтöны да богатсьöтöны духовнöя», — висьталic Коми-Пермяцкöй этнокультурнöй центрись юралiсь Мария Носкова.
«Финно-угорскöй транзит»-лöн программа пондöтчис 2023 воö Коми Республикаын, мунiс Мордовияöт да Москваöт, а медбöрья тор паськалiс Прикамьеын — Коми-Пермяцкöй округлöн 100 во увья да «Государственнöй Российскöй Дом народного творчества имени В. Д. Поленова»-лöн 110 во увья.
Фестивальлöн аркмöтiссез: Российскöй Федерацияись культуры сьöртi Министерство, В.Д. Поленов нима Государственнöй Российскöй Дом народного творчества, Перем крайись культура сьöртi Министерство, «Губерния» нима Дом народного творчества Пермского края, Перем крайись Коми-Пермяцкöй округлöн уджжез сьöртi Министерство, ГКБУК «Коми-Пермяцкий этнокультурный центр», Российскöй Федерацияись финно-угорскöй йöззэзлöн Ассоциация, межэтническöй журналистикалöн Гильдиялöн Коми региональнöй отделеннё.
Фестиваль пыртöм программаö событеэзлöн, йитöмöсь Коми-Пермяцкöй округлжy 100 вокöт, и лоö мероприятие-флагманöн.
Русский