IV Кривощёковскöй историко-архивнöй чтеннёэз (0+)

Чулöтöмлöн места: Кудымкар, Коми-Пермяцкöй этнокультурнöй центр (ул. Студенческая, 9а).

Кривощёковскöй историко-архивнöй чтеннёэз 2025 воын йитöмась Великöй Отечественнöй войнаын 80 вося Вермöмкöт да Коми-Пермяцкöй округлöн сё вокöт. Быдвося научнöй мероприятие чулöтсьö Коми-Пермяцкöй крайлöн историко-культурнöй наследие зорöтöм да популяризация могöн. Округлöн сё во увья сiйö чулöтасö «Миян Парма» проект сьöртi.

Докладдэзöн мыччасясö ученöй-лингвисттэз, этнография, история, культурология, фольклористика, финно-угроведеннё да мöдiк смежнöй направленнёэзiсь специалисттэз, а сiдзжö краеведдэз, архиввезiсь да музейезiсь уджалiссез, культура да образованнё учрежденнёэзiсь представителлез.

Кывiссезöн вермасö лоны 8–11-öт классэзiсь, ссуззэзiсь да вуззэзicь велöтчиссез, образованнё да культура сфераын управленнё органнэзiсь, внутренньöй политикаись специалисттэз, национально-культурнöй общественнöй организацияэзiсь представителлез да быдöс, кин интересуйтчö Коми-Пермяцкöй округлöн историяöн.

Чтеннёэз чулöтöны ГКБУК «Коми-Пермяцкий этнокультурный центр» да ГКБУ «Коми-Пермяцкий окружной государственный архив» «Общество и власть» нима Перем крайись государственнöй программа сьöртi да Перем крайись губернаторлöн Администрация, Перем крайись Коми-Пермяцкöй округлöн уджжез сьöртi Министерство, Перем крайись арховвез сьöртi уджжезлöн Агентство отсöтöн.