2025 вося октябрь 26 лунö Коми-Пермяцкöй национальнöй драматическöй театрын помассис «Сообщение» нима VII межнациональнöй театральнöй фестиваль. Кудымкарö вовлiсö Арменияись, Татарстанiсь, Удмуртияись, Карелияись, Марий Элiсь, Ханты-Мансийскöй автономнöй округись и Пермскöй крайись театррез.
Показзэз помын жюри, кöдаö пырисö тöдса театральнöй деятеллез Евгения Тропп, Наталия Каминская, Наталья Жемгулене да Камиль Тукаев, бöрйис лауреаттэзöс да специальнöй приззэзлiсь босьтiссезöс:
- «Сообщение» нима VII межнациональнöй фестивальлöн гран-при — спектакль «Ваня чӱчӱ» (Дядя Ваня) А. Чеховлöн, режиссёр — Степан Пектеев, М. Шкетан нима драмалöн Марийскöй национальнöй театр (Республика Марий Эл);
- «Лучшая работа режиссёра» номинацияын вермись — Андрей Шляпин В. Шукшинлöн «Космос» спектакль понда, А. А. Савин нима драмалöн Лысьвенскöй театр (Пермскöй край);
- «Лучшая работа художника» номинацияын вермись — Любовь Мелехина В. Распутинлöн «Живи и помни» спектакльлöн художественнöй оформленнё понда, режиссёр — Юлия Беляева, Коми-Пермяцкöй национальнöй драматическöй театр (Пермский край);
- «Лучшая мужская роль» номинацияын вермись — Эдуард Латыпов Т. Миннуллинлöн «Ат карагы» (Конокрад) спектакльын Сибгатлöн роль понда, Альметьевскöй татарскöй государственнöй драматическöй театр (Республика Татарстан);
- «Лучшая женская роль» номинацияын вермись — Ксения Коган В. Геллерлöн «Семь сов» нима спектакльын Конферансьелöн роль понда, режиссёр — Юлия Беляева, Карелиялöн Национальнöй театр (Республика Карелия);
- За творческий диалог с лирическим миром Леонида Енгибарова» нима жюрилöн специальнöй приз — «Метро» нима театрлöн «Главное, чтобы не было скучно» спектакльлö (Республика Армения);
- «За синтез русской классики с традиционной удмуртской культурой» нима жюрилöн специальнöй приз — Сарапульскöй драматическöй театрлöн «Вуныл» (Русалка) нима спектакльлö (Республика Удмуртия);
- театральнöй критиккез Ассоциациялöн Приз — Виктор Евдокимовлö, режиссёрлö, художник-постановщиклö, Солнце нима обско-угорскöй йöззэз театрлöн «Родной земли напевы. Генезис» спектакльлöн сценарий гижисьлö (Ханты-Мансийский автономный округ).
«Сообщение» нима фестиваль аркмöтöм Пермскöй крайись губернаторлöн Администрация да Пермскöй крайись культура сьöртi Министерство отсöтöн. Фестиваль пырö Коми-Пермяцкöй округлöн 100 порйöтöм сьöртi линейкалöн флагманскöй мероприятиеэзö.
Русский