Сентябрь 12 лунö Коми-Пермяцкöй национальнöй драматическöй театрын оссяс 95-öт юбилейнöй театральнöй сезон. Ыджыт сцен вылын чулöтсяс «За двумя зайцами» (Кык кöч сьöрын) 16+ нима коми-пермяцкöй кыв вылын комедиялöн премьера.
Видзöтiссезöс видзчисьö провинциальнöй карлöн оланiсь история. Сэтчö локтiс авантюрист да разоритчöм щеголь Свирид Петрович Голохвостый.
Жöник пондöтö двойнöй игра, кöда медодз лоö интригаöн, сэсся кровнöй враждаöн, а сыбöрын – ыджыт скандалöн. Музыка, сватовскöй баталияэз, кывзöм признаннёэз да суетливöй котрасьöм — пока колана моментö эз оссьы быдöс. Быдпырся комедия сы йылiсь, кыдз ылöстöм да наивность керöны отирсö кокнит добычаöн плуттэз да мошенниккез понда.
Спектакль вылын уджалöны: режиссёр дв художник — Татьяна Воронина (Москва), свет сьöртi художник— Валерий Щербинин, хормейстер — Лариса Клещина, балетмейстер — Дарья Яркова, русского на коми-пермяцкöй кыв вылö рочсянь вуджöтiсь — Татьяна Савельева.
Спектакльлöн премьернöй показзэз чулаласö сiдзжö сентябрь 13 да 30 луннэзö. Билеттэз кассаын да тетралöн сайт вылын, сiдзжö «Пушкинскöй карта» нима «Семья»-лöн национальнöй проект сьöртi. Телефон: 8 (34260) 4-88-60. Адззисьлытöдз театрын! Увидимся в театре!
Русский