«Ту-ту-турун» нима лаборатория

Чулöтöмлöн места: г. Кудымкар, с. Пешнигорт, п. Березовка 

Лабораторияын пондасö участвуйтны Кудымкарись искусствоэз сьöртi челядь понда школаись, Кудымкарись медодзза шöрöт общеобразовательнöй школаись «Задоринка» нима вокальнöй ансамблись да Кудымкарись Культурно-деловöй центрись «Росинки» нима вокальнöй ансамблись 8-17 во ыжда 20 кага.

Челядь тöдсасясö коми-пермяккезлöн реликтовöй музыкальнöй инструмент лöсьöтöмкöт – пöлянкöт да велöтчасö орсны сы вылын.

Сiдзжö «Ту-ту-турун» нима лабораториялöн 14 вося да ыджытжык участниккез пондасö орсны пöляннэз вылын Марина Крюкова кипод увтын «Поющая трава» нима лабораторияын, кöда чулалас август 21-22 луннэзö «Этно-авангард» нима фестиваль коста.