2025 вося гожум Коми-Пермяцкöй округын лоас ассяма культурнöй марафонöн. Куим тöлiсь сьöрна чулöтсясö 50 фестивалься да вежалунся унажык Перем крайись 30 карис да посёлокись, а сiдзжö Москваись да Санкт-Петербургись. 5 сюрся унажык артист, гижись, серпасалicь да творческöй коллектив участвуйтасö уна жанраа программаын, кöдаö пырасö этнокультурнöй наследие, öння искусство, гастрономия, музыка, театр, спорт да томпöлöслöн инициативаэз.дожников и творческих коллективов примут участие в яркой, многожанровой программе, охватывающей этнокультурное наследие, современное искусство, гастрономию, музыку, театр, спорт и молодёжные инициативы.
Коми-Пермяцкöй округын гожумся юбилейнöй программа пыртö ас пытшкас кынымкö тематическöй направленнё.
- «59 фестивалей 59 региона» нима проект, кöда сьöртi чулалас 15 мероприятиеся унажык, йитöм коми-пермяккезлöн этнокультурнöй наследиекöт да самобытностькöт. Ны коласын, например, «Праздник русской печки» нима фестиваль (Коса, июнь 14 лунö), «На Юсьвинской земле. Праздник первого Парохода» (Пожва, июль 5 лунö), «Акань» нима национальнöй орсанлöн да орсан культуралöн фестиваль (Кудымкар, июль 11-12 луннэзö), «На земле Перы» (Гайны, июль 26 лунö), «Гаврилов день» нима обрядовöй культуралöн фестиваль (Косинскöй округ, июль 26 лунö), «Бур сур» нима национальнöй юанлöн фестиваль (Кудымкарскöй округись д. Мижуева, август 2 лунö), «Зажинки» нима урожай босьтöмлöн вежалун (с. Архангельское, август 9 лунö), «Звонкая песнь пэлянов» нима фестиваль (с. Юксеево, д. Пармайлово).
««Мероприятиеэзлöн кытшöмкö тор тöдса ни округись олiссезлö, но юбилейнöй воö нылöн лоис ассяма статус. Быд событиеын акцент керöм аутентичность вылö, местнöй сообществолöн вовлеченнё вылö да ловья традицияэзлöн зорöтöм вылö. Мийö кöсъямö, мый чулöтöм событиеэзын интереснöйö ас понда адззасö быдвося отир, семьяэз, нiя, кин важын интересуйтчö народнöй культураöн, да нiя, кин только пондöтiс сыö пырны. Миян фестиваллез — этö быдöнным понда вермöм буржыка вежöртны, кыдз олiсö да олöны отир Коми-Пермяцкöй округын, мый понда нiя сiдз радейтöны да донтöны ассиныс наследиесö, — баитö Татьяна Санникова, «Губерния» нима Перемись народного творчества домись генеральнöй директор.— Но миян мероприятиеэз — этö не только важ олан йылiсь, но и Коми-Пермяцкöй округлöнодзланься культура йылiсь. Этакöт йитöм, например, «ЭТНО АВАНГАРД» нима фестиваль, медшöр фигураöн кöдалöн лоас художник-авангардист Петр Иванович Субботин Пермяк. Мийö кöсъямö, мый событиеэзiсь, кöдна йитöмöсь округлöн сё вокöт, быдмасö виль творческöй коллаборацияэз, бизнес-проекттэз, мыччаласö асьнысö активисттэзлöн виль поколеннёэз, кöдна кужöмöн нуöтасö одзлань чужан культуранысö».».
- Сё во порйöтöмлöн медшöр проектöн лоö — Мийö чулöтамö медодзза сэтшöм фестиваль, кöда петiс миян радейтана театр сайö. Это козин Кудымкарись быдöс олiссезлö да гöссезлö. «Точка на карте.Точка интереса», кöдаöн Кудымкар босьтic званнё Центр культуры Пермского края 2025 года.
- Гожумын чулаласö öтдруг кынымкö ыджыт событие: ны коласын «Синва» нима трибьют-концерт «Орфей» нима камернöй оркестркöт (июнь 7 лунö), Екатерина Плотникова, тöдчана коми-пермяцкöй сьылiсь, коми-пермяцöй кыв вылын медодзза музыкальнöй пластинка аркмöтiсь понда памятнöй рыт (июль 26 лунö), «Коми ели» нима гастротест (август 9 лунö), «Ту-ту-турун» нима пöляннэз вылын велöтöм сьöртi лаборатория (август 15 лунö).
- Юбилейнöй во – этö вермöм аркмöтны устойчивöй платформа, медбы пасйыны Коми-Пермяцкöй округлiсь культурнöй повестки художественнöй да профессиональнöй оланын. Миян чулалас Коми-Пермяцкöй округись да Перемись серпасалiссезлöн öтласа пленэр (июль 28 лунö – август 1 лунö).
- Коми-Пермяцкöй драматическöй театр лыддисьö странаын медбур национальнöй театрöн. Сы площадка вылын июньын чулалас «Улича-Улица» нима уличнöй театррезлöн фестиваль.Июнь 21 лунö театр одзись площадь вылын мыччасясö Перем крайись 16 коллективись 160 артистся унажык. Программаын — уличнöй спектакллез, ходуляэз вылын шоу, цирковöй номеррез, концерттэз, мастер-класссэз. Кудымкарын этö медодзза фестиваль сэтшöм масштабын.
- Кудымкарын чулалас «Ӧнас» нима национальнöй любительскöй театррезлöн фестиваль (июль 11-12 луннэзö), йитöм тöдчана коми-пермяцкöй гижисьлöн Василий Климовлöн да округись фронтовик-гижиссезлöн литературнöй наследиекöт.
- Торья акцент —спортивнöй да молодежнöй инициативаэз вылын, сэтшöмöсь кыдз «Миян Парма» (июнь 12 лунö) нима фестиваль да «Томполӧс» нима уджалiсь томпöлöслöн форум (июнь 21 лунö), кöдна корöны виль поколеннё участвуйтны культурнöй процессэзын да аркмöтöны бур йитöт чужан мукöт. «Трамплин» нима молодежнöй музыкальнöй фестиваль öктас тöдчана российскöй да местнöй музыканттэзöс.
- Июль 12 лунö Кудымкар порйöтö карлicь лун. Сы коста Коми-Пермяцкöй округын чулалас кынымкö ыджыт мероприятие öтруг: фестиваль «Город мастеров», конкурс «Кипода морт» (мастер-классэз, ярмарка, концертнöй программа, семинаррез), кулинарнöй фестиваль. Нiйö аркмöтö Коми-Пермяцкöй этнокультурнöй центр, кöда лоö точка притяженияöн олiссез да туристтэз понда.
Юбилейнöй программа Коми-Пермяцкöй округ сайын
Проекттэз чулалöны Перемын, Москваын, Санкт-Петербургын, Перем крайись муниципалитеттэзын. Например, «Обряды-наряды» нима фестиваль вылын (июль 5-6 луннэзö Перемын) «Город встреч» нима гожумся фестиваль сьöртi öтiк направленнё лоас йитöм коми-пермяцкöй культуракöт.
Сiдзжö лöсьöтчö «Любитöм 2025» нима театрально-документальнöй проект (аркмöтö театр «немхат» Александра Шумилина). Сiя чулалас Перемын (июль 10-13 луннэзö), Москваын (август 21-24 луннэзö) да Санкт-Петербургын (2025 вося сентябрьö). Этö 100-часа фест коми-пермяцкöй кыв вылын: коми-пермяцкöй öння искусствокöт, дизайнкöт, театркöт да медиакöт, кöда висьтасьö коми-пермяцкöй олан йылiсь, йитöт.
Образовательнöй трек пыртö ас пытшкас XVI Конгресс антропологов и этнологов России, кöда чулалас Перемын июль 2–6 я луннэзö да лоас йитöм округлöн юбилейкöт. Участвуйтны пондасö быдöс странаись тöдчана исследователлез, мый пасъяс регионлiсь национальнöй да академическöй значеннё.
««Коми-Пермяцкöй округлöн юбилей – этö ассяма событие быдöс Перем край понда. Баитöмыс мунö не просто вежалунся мероприятиеэзлöн серия йылiсь, а ыджыт культурнöй программа йылiсь, кöда чулалö региональнöй да федеральнöй уровеннез вылын. Мийö адззамö эта юбилейын вермöм мöднёжа видзöтны округлöн роль вылö, керны сiйö Перем крайлöн виль туристическöй да культурнöй брендöн. Сiдз жö, кыдз каррезлöн бренддэзöн лоисö «Зов Пармы» нима фестиваль Чердыньын или ««Медвежонок» нима детскöй, семейнöй кино да анимациялöн фестиваль. Кудымкар да Коми-Пермяцкöй округ лоöны виль точка притяженияöн туристтэз да народнöй локальнöй культуралöн любителлез понда»,— пасйис Алла Платонова, Перем крайись культуралöн министр.
Русский