Кипода морттэзлöн уджжез коми-пермяцкöй мотиввезöн лыддисö медбуррезöн «Пермский сувенир» нима региональнöй конкурсын. Уджжез донтiсö öткоста квать номинацияын – аксессуаррезсянь гастрономическöй сувениррезöдз.
- • Ольга Захарова, мастер-керамист, вермис кык номинацияын. «Сувенир-посуда» нима категорияын —ыджыт температураа сёйись этническöй орнаментöн керöм «Коми-Пермяцкая утварь» нима коллекция понда. «Сувенир-аксессуар» нима категорияын —керамическöй подвескаэзлöн «Пермский лось» нима серия понда.
- • Николай Веселов да Александр Григорьев босьтiсö медодзза места «Сувенир-игрушка» нима номинацияын «Легенды земли Пермской» нима орсанöy. Сiя тöдсöтö участниккесö коми народдэзлöн миффезöн да традицияэзöн.
- • Максим Чугайнов, Кудымкарись предприниматель, босьтiс «серебро» гастрономическöй номинацияын ягöда нитшöн шоколад понда — «Пермский коралл в шоколаде».
- • Мöдöдз места «Промо-сувенир» нима категорияын — «ДУХ ТАЙГИ» нима баня понда берсяэзлöн коллекциялöн, кöда басöксьöтöм коми-пермяцкöй орнаменттэзöн.
Коми-Пермяцкого округлöн сё во кежö конкурслöн организаторрез аркмöтiсö торья номинация. Сы пытшкын вермиссезöн лоисö:
- • Евгения Щапова — «Гороскоп по древнему коми промысловому календарю» нима киöн серöтöм магниттэзлöн серия да киöн керöм чокер понда.
- • Ольга Попова, Перем крайись Народнöй мастер, — «Хозяюшка» нима текстильнöй акань понда.
«Ме коми-пермячка, чужи Кудымкарскöй районiсь Ыджыт Сидорова деревняын. Пыр кöсйи аркмöтны берся, кöда абу некинлöн. Перемскöй зверинöй стиль öддьöн гленитчис меным, и ме решитi керны магниттэз Коми вöралан календарь сьöртi. Быд вöрпилöн аслас мывкыд, кыдз и й гороскопись пассэзлöн. Чокеррез – видзчисьтöм идея! Сы йылiсь меным висьталiс тöдса сы понда, медбы томпöлöслö гленитчис. Петiс басöк да öння, но национальнöй колоритöн. Кöсъя, медбы коми-пермяцкöй культура йылiсь тöдiс унажык морт», — висьтасис Евгения Щапова.
«Пермский сувенир» нима конкурсын участвуйтiсö Перем крайись 22 муниципалитетiсь 150 уджся унажык.
Уськöтамö тöдвылö, мый таво Коми-Пермяцкöй округ порйöтö сё во аркмöмсянь. Сы увья 2025 во Перем крайись губернатор Дмитрий Махонин шуис коми-пермяцкöй кывлöн Воöн. Мероприятиеэз чулöтöмлöн координаторöн лоö ПДНТ «Губерния».
Русский