Кольöм луннэзö Коми-Пермяцкöй округö Перем крайись, Коми Республикаись да Удмуртияись локтiс 200 велöтiсся унажык. Форумлöн медшöр мог – опытöн вежсьöм да сельскöй образованнёлöн зорöтöмлiсь öння подходдэз йылiсь сёрнитöм. Шöрын – инновационнöй образовательнöй технологияэз пыртöмлöн, велöтöмлöн качество лэбтöм да чужан кыввез поддержкалöн темаэз. Съезд чулалiс мероприятиеэз сьöртi, кöдна йитöмöсь Коми-Пермяцкöй округлöн 100 вокöт да Перемскöй крайын коми-пермяцкöй кывлöн Вокöт.
Пленарнöй заседаннё вылын участниккез дынö приветственнöй кыввез висьталiс Пермскöй крайись образованнё да наука сьöртi министр Раиса Кассина, чужан кыввезлöн Федеральнöй институтлöн юралiсь Эсет Бокова, Коми-Пермяцкöй округлöн юралiсь Алексей Плотников, Кудымкарскöй муниципальнöй округлöн администрацияись юралiсьлöн заместитель Ольга Ельцова, Пермский дом народного творчества «Губерния»-ись юралiсь Татьяна Санникова. Спикеррез пасйисö коланаöн сельскöй учительскöй труд да регионлöн ассяма культуралöн зорöтöмын педагоггезлiсь роль.
Докладдэзöн мыччасисö: «Коми-Пермяцкий институт повышения образования работников образования»-ись юралiсь Татьяна Меркушева — округлöн образованнё системалöн зорöтöм йылiсь, школаэзiсь директоррез Любовь Нешатаева —естественно-научнöй технологияэз пыртöм йылiсь, Елена Чакилева —этнокультурнöй проекттэзлöн реализация йвлiсь, Надежда Ощепков —патриотическöй воспитаннё йылiсь, Татьяна Никитина — сельскöй школаын экологическöй образованнё йылiсь.
Съездлöн удж чулалiс тематическöй площадкаэз вылын, осьтöмöсь Юрлинскöй, Юсьвинскöй да Кудымкарскöй муниципальнöй округгезын. Белоевскöй школаын мунiсö дискуссияэз öння педагогическöй практикаэз пыртöм йылiсь, а в Архангельскöй школаын баитiсö этнокультурнöй да языковöй образованнё йылiсь öння кадö. Юрлинскöй школаын — сельскöй школьниккезлöн духовно-нравственнöй да патриотическöй воспитаннёлöн темаэз вылö. Пешнигортскöй школаын баитiсö экологическöй образованнё йылiсь не только теорияын, но и практикаын: участниккез кöдзисö быдмассэз, йитöмöсь округлöн 100 вокöт да сельскöй школаэзiсь велöтчiссезлöн съездкöт.
Коми-Пермяцкöй округлöн сёвося фестиваллез йылiсь быдöс актуальнöй информациясö верматö тöдны сайт вылын да социальнöй сеттезын.
Русский