Чулöтöмлöн места: Кудымкарскöй округ, д. Мижуева.
Мижуева деревняын быд во чулöтсьö «Бур Сур» нима фестиваль, кöда йитöм национальнöй коми-пермяцкöй юанлö. Фестиваль тöдчана уна гöссезöн, кöдна кöсйöны пешлыны сур, конкурссэзöн, йöктаннэзöн да сьыланкыввезöн. Эта воö фестивальлöн аркмöтiссез мöдöны чулöтны «Школа молодой хозяйки» нима мастер-классэзлiсь цикл. Гöссезöс сiдзжö видзчисьö «Сур-мастер» нима конкурс – медбур сур керöмын олiссез коласын вермасьöм. «Пызандӧра» нима площадка вылын позяс пешлыны коми-пермяцкöй кухняись юаннэз да сёяннэз. Туристтэз понда лöсьöтöм интерактивнöй экскурсия мельницаöт да сур керись ордын гöститöм, «Дзирыт сур» нима аукцион, национальнöй юаннэзлöн ярмарка-вузалöм да коми-пермяцкöй орсаннэз. Мероприятие чулöтсьö «59 фестивалей 59 региона» нима проект сьöртi.
Русский