Author: administrator

Ыджыт Кочаын (Кочёвскöй округ) медодззаись чулалiс мастер-класс тупи-тап нима важ коми-пермяцкöй йöктан сьöртi. Сiйö чулöтiс «Мича асыв» нима народнöй ансамбль «Школа тупи-тап» велöтчан программа сьöртi, аркмöтöм Коми-Пермяцкöй этнокультурнöй центрöн Коми-Пермяцкöй округлöн сё во кежö.

Кудымкарскöй округись Шадрина деревняын чулалiс «Сьöлöм бурмöтанки» нима альбомлöн презентация да «Пелысёк» народнöй вокальнöй ансамбль йылiсь фильм. Презентация чулалiс Коми-Пермяцкöй округлöн сё во увья да «Пелысёк» ансамбльлöн 15 во увья.

Ставропольын кольöм «Российская студенческая весна» нима Всероссийскöй фестиваль вылын профессиональнöй образовательнöй организацияэз коласын вöлi мыччалöм «Туригум» нима коллекция. Автор — Кудымкарскöй лесотехническöй техникумись велöтчись Дарья Тарасова «Эко–этно» нима модалöн театрись. Коллективлöн юралiсь – Анастасия Конгурова.

Фотографияэз вылын — сёяннэз, скöдна учöтсянь тöдсаöсь коми-пермяккезлö, мыччалöмась öннямоз. Шыд пиканнэзiсь, шыдöса шаньгаэз, кулиггез да мöдiк традиционнöй чöскыттор проект понда лöсьöтiс шеф-повар Константин Мехоношин да сылöн мама Елена Мехоношина. Выставка йитöм Коми-Пермяцкöй округлöн 100 вокöт да мыччалö, коми-пермяккезлöн ассяма кухня вермö вдохновляйтны и талун.

С 3 по 5 октября на сцене Коми-Пермяцкого национального драматического театра пройдут гастроли Пермского театра кукол. В гастрольной афише избранные спектакли для всех возрастов: «Про девочку Аню и кошку Алиску» (0+), «Цветик-семицветик» (6+), «Кошкин дом» (6+) и «Цветы для Элджернона» (12+). 3 и 4 октября зрители увидят постановку «Цветик-семицветик». Эта яркая и смешная музыкальная феерия…

Коми-Пермяцкöй округлöн представителлез мыччасисö тöдчана Россияись финно-угорскöй йöззэзлöн мероприятиеэзын Йошкар-Олаын – «Финно-угорская молодёжь в меняющемся мире: реалии и вызовы» нима III финно-угорскöй йöззэзлöн Всероссийскöй форумын да финно-угорскöй йöззэз Ассоциациялöн VIII съездын. Прикамьеись учёнöйез, велöтiссез да культурнöй деятеллез торйöтчисö быдöс Россияись коллегаэзкöт коми-пермяцкöй традицияэзлöн зорöтöм сьöртi ассяма проекттэзöн, мыччасисö докладдэзöн да лыддöтiсö чужан кыв вылын кывбуррез. «Дона му» нима коми-пермяцкöй деревняэзлöн олан йылiсь проект пасйöм дипломöн томпöлöслöн проекттэз конкурсын.

Виль велöтчан курс аркмис Перемскöй государственнöй национальнöй исследовательскöй университет (ПГНИУ) программаын медодззаись. Сiйö чулöтö велöтiсь да коми-пермяцкöй кыв йылiсь научно-популярнöй блог аркмöтiсь – Екатерина Федосеева. Элективнöй курс чулöтсьö куим тöлiсь сьöрна и осьта быдöс факультеттэз вылicm велöтчиссезлö. Инициатива йитöм Коми-Пермяцкöй округлöн сё вокöт да чулöтсьö Прикамьелöн кореннöй народлöн языковöй наследие зорöтöм понда.